Հատուկ կացության կարգավիճակ

<h3>Ընդհանուր տեղեկատվություն</h3> <p>1994 թվականին ընդունված «Օտարերկրյա քաղաքացիների իրավական վիճակի մասին» Հայաստանի Հանրապետության օրենքը, այնուհետեւ` «Օտարեկրացիների մասին» Հայաստանի Հանրապետության նոր օրենքը թույլ տվեցին օտարերկրյա քաղաքացիներին ստանալ Հայաստանի Հանրապետությունում հատուկ կացության կարգավիճակ: Հատուկ կացության կարգավիճակը շնորհվում է Հայաստանի Հանրապետության Նախագահի կարգադրությամբ ծագումով հայ օտարերկրացիներին, ինչպես նաեւ Հայաստանի Հանրապետությունում տնտեսական կամ մշակութային գործունեություն ծավալող այլ օտարերկրացիների: Այն տրվում է տասը տարի ժամկետով:</p> <p>Նրանց, ում շնորհվում է հատուկ կացության կարգավիճակ, տրվում է Հայաստանի Հանրապետության հատուկ անձնագիր, որով կարելի է ազատ մուտք գործել Հայաստանի Հանրապետության տարածք եւ բնակվել այնտեղ առանց մուտքի վիզայի: Հայաստանի Հանրապետության տարածքում հատուկ կացության կարգավիճակ ունեցող օտարերկրացիներն ունեն Հայաստանի Հանրապետության քաղաքացիներին հավասար իրավունքներ, ազատություններ եւ պարտականություններ, բացառությամբ ընտրական իրավունքի: Նրանց վրա չի տարածվում Հայաստանի Հանրապետության զինված ուժերում ծառայելու պարտականությունը:</p> <p class="imprt">Հայոց Ցեղասպանությունը վերապրածներին Հայաստանի Հանրապետության հատուկ անձնագիրը տրվում է անվճար` պարզեցված կարգով:</p> <h3>Ի՞նչպես դիմել</h3> <p>Հատուկ կացության կարգավիճակի համար դիմում ներկայացնելու նպատակով օտարերկրացին պետք է կապվի բնակության պետությունում Հայաստանի Հանրապետության դիվանագիտական ներկայացուցչության կամ հյուպատոսական հիմնարկի հետ: Եթե բնակության պետությունում չկա Հայաստանի Հանրապետության դեսպանություն կամ հյուպատոսություն դիմողը կարող է կապ հաստատել Հայաստանի Հանրապետության մոտակա ներկայացուցչությունների հետ (Հայաստանի Հանրապետության դիվանագիտական ներկայացուցչությունների եւ հյուպատոսական հիմնարկների ցուցակը տեսնելու համար սեղմել այստեղ): Հայաստանի տարածքում դիմումները պետք է ներկայացվեն Հայաստանի Հանրապետության ոստիկանության անձնագրային եւ վիզաների վարչություն` ք. Երեւան, Մաշտոցի պողոտա 13Ա հասցեով (հեռ. +37410-523895):</p> <p>Հետեւյալ փաստաթղթերն անձամբ կամ պատվիրված փոստով պետք է ներկայացվեն Հայաստանի Հանրապետության դիվանագիտական ներկայացուցչություն կամ հյուպատոսական հիմնարկ.</p> <ol> <li>Հայաստանի Հանրապետության Նախագահին ուղղված դիմում-հարցաթերթիկ (<a href="/u_files/file/consulate/SRS%20form.pdf">սեղմել այստեղ</a>)</li> <li>Հայաստանի Հանրապետության դիվանագիտական ներկայացուցչության կամ հյուպատոսական հիմնարկի ղեկավարին ուղղված նամակ, որը պետք է պարունակի հետեւյալ տեղեկությունները.<br /> ա) ներկա եւ նախկին (եթե կա այդպիսին) քաղաքացիության մասին,<br /> բ) հատուկ կացության կարգավիճակի համար դիմելու դրդապատճառները,<br /> գ) մասնագիտության եւ աշխատանքի մասին,<br /> դ) Հայաստան կատարած այցերի մասին,<br /> ե) Հայաստանի Հանրապետությունում նախկինում ունեցած կացության կարգավիճակների մասին (եթե այդպիսիք եղել են),<br /> զ) դատվածության առկայության մասին,</li> <li>ազգային անձնագրի` նկարով, անձնական եւ վավերականության տվյալներով էջերի լուսապատճենները,</li> <li>ծննդյան վկայականի կամ փոխարինող փաստաթղթի լուսապատճենը,</li> <li>բաց ֆոնով վեց հատ 35x45մմ չափսի գունավոր լուսանկար,</li> <li>հատուկ անձնագրի համար սահմանված պետական տուրքի վճարման անդորրագիր: Վճարի չափը տարադրամով իմանալու համար կապվեք համապատասխան դեսպանության կամ հյուպատոսության հետ:</li> </ol> <h3>Եթե Դուք կորցրել եք Հայաստանի Հանրապետության հատուկ անձնագիրը կամ այն օգտագործման համար պիտանի չէ</h3> <p>Հայաստանի Հանրապետության հատուկ անձնագիրը կորցնելու կամ այն օգտագործման համար ոչ պիտանի դառնալու դեպքում Հայաստանի Հանրապետությունում հատուկ կացության կարգավիճակ ունեցողը ստանում է Հայաստանի Հանրապետության նոր հատուկ անձնագիր: Այդ նպատակով հետեւյալ փաստաթղթերն անձամբ կամ պատվիրված փոստով պետք է ներկայացվեն Հայաստանի Հանրապետության դիվանագիտական ներկայացուցչություն կամ հյուպատոսական հիմնարկ.</p> <ol> <li>Հայաստանի Հանրապետության դիվանագիտական ներկայացուցչության կամ հյուպատոսական հիմնարկի ղեկավարին ուղղված նամակ` Հայաստանի Հանրապետության նոր հատուկ անձնագիր ստանալու խնդրանքով,</li> <li>ազգային անձնագրի` նկարով, անձնական եւ վավերականության տվյալներով էջերի լուսապատճենները,</li> <li>բաց ֆոնով երկու հատ 35x45մմ չափսի գունավոր լուսանկար,</li> <li>կորած հատուկ անձնագրի լուսապատճենը (առկայության դեպքում),</li> <li>Հայաստանի Հանրապետության նոր հատուկ անձնագրի համար սահմանված պետական տուրքի վճարման անդորրագիր: Տարադրամով վճարի չափն իմանալու համար կապվեք համապատասխան դեսպանության կամ հյուպատոսության հետ:</li> </ol> <p class="imprt">Խնդրում ենք նկատի ունենալ, որ Հայաստանի Հանրապետության նոր հատուկ անձնագիրը տրվում է նույն վավերականությամբ, ինչ եղել է կորցված կամ օգտագործման համար ոչ պիտանի անձնագիրը:</p> <div class="hint-block"> <p><strong>Կարեւոր նշումներ</strong></p> <ol> <li>Սովորաբար Հայաստանի Հանրապետությունում հատուկ կացության կարգավիճակ ստանալու դիմումը քննարկվում է 3-4 ամսվա ընթացքում: Լրացուցիչ քննարկում պահանջող դեպքերում այդ ժամկետը կարող է ավելի երկար լինել:</li> <li>Որոշ դեպքերում դիմումը կարող է մերժվել Հայաստանի Հանրապետության Նախագահի կողմից: Մերժված անձինք կարող են նոր դիմում ներկայացնել առաջին դիմումը մերժվելուց մեկ տարի հետո:</li> <li>Հայաստանի Հանրապետության հատուկ անձնագրի համար սահմանված սակագինը 150000 ՀՀ դրամ է: Կորցրածի փոխարեն նորը ստանալու համար սահմանվել է պետական տուրք 75000 ՀՀ դրամի չափով:</li> <li>Ավստրալիայի եւ Օվկիանիայի բնակիչները կարող են դիմել Վաշինգտոնում Հայաստանի Հանրապետության դեսպանություն կամ Լոս Անջելեսում Հայաստանի Հանրապետության գլխավոր հյուպատոսություն:</li> <li>Հայաստանի Հանրապետության հատուկ անձնագիրը թույլ չի տալիս դրա տերերին առանց մուտքի վիզայի մուտք գործել ԱՊՀ այլ պետությունների տարածք: Այդ նպատակով օգտագործվում է տվյալ անձի ազգային (քաղաքացիության պետության) անձնագիրը:</li> <li>ԱՄՆ, Ավստրալիայի եւ Օվկիանիայի, Կանադայի եւ Եվրոպայի բնակիչների համար.</li> </ol> </div> <p class="imprt">Փոստով դիմելու դեպքում Դուք վճարում եք նաեւ հետադարձ առաքման գումարը: Փաստաթղթերը փոստային ծառայության մեղքով կորելու դեպքում Հայաստանի Հանրապետության դեսպանությունները եւ հյուպատոսությունները պատասխանատվություն չեն կրում:</p> <p>* Հավելյալ տեղեկություններ ստանալու համար <a href="mailto:consular@mfa.am">դիմեք մեզ</a></p>

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր