Դատվածության բացակայության/առկայության մասին տեղեկանք

<p>Հայաստանի Հանրապետությունում դատվածության բացակայության/առկայության մասին տեղեկանք (այսուհետ` տեղեկանք) կարելի է ստանալ ՀՀ տարածքում` Հայաստանի Հանրապետության արտաքին գործերի նախարարության հյուպատոսական վարչությունից, օտարերկրյա պետություններում` Հայաստանի Հանրապետության դիվանագիտական ներկայացուցչություններից կամ հյուպատոսական հիմնարկներից: Տեղեկանքում զետեղվող` անձի վերաբերյալ տվյալները ստուգվում են Հայաստանի Հանրապետության կառավարությանն առընթեր ոստիկանության ինֆորմացիոն վարչությունում:</p> <p>ա) Տեղեկանքի տրամադրում Հայաստանի Հանրապետության արտաքին գործերի նախարարության հյուպատոսական վարչությունում.</p> <p>Տեղեկանք ստանալու համար ընդունելությունը ՀՀ ԱԳՆ հյուպատոսական վարչությունը կազմակերպում է երկուշաբթի, երեքշաբթի, հինգշաբթի եւ ուրբաթ օրերին ժ 11.00-12.00-ին` ՀՀ ԱԳՆ Ամիրյան փողոցի մուտքից: Քանի որ նշված տեղեկանքը պարունակում է անձի վերաբերյալ գաղտնի տեղեկություններ, դիմողները փաստաթղթերը հանձնում են անձամբ կամ լիազորված անձի միջոցով: Տեղեկանքը ստանալու համար անհրաժեշտ է ներկայացնել հետեւյալ փաստաթղթերը.</p> <ol> <li>Սահմանված ձեւի լրացված <a href="/u_files/file/consulate/ChD%20Harcatertik%20AGN.pdf">դիմում</a> (ծառայողական նշումներ մասը չլրացնել),</li> <li>Անձնագիր,</li> <li>Նոտարական կարգով հաստատված լիազորագիր (փաստաթղթերը լիազորված անձի միջոցով ներկայացնելու դեպքում): Եթե այն անձը, ում անհրաժեշտ է տեղեկանքը գտնվում է օտարերկրյա պետությունում, լիազորագիրը պետք է հաստատված լինի Հայաստանի Հանրապետության միջազգային պայմանագրերով սահմանված կարգով,</li> <li>Սահմանված պետական տուրքի վճարման անդորրագիր (անհրաժեշտության դեպքում): Տեղեկանքը տրվում է անվճար: Պետական տուրքը 5000 ՀՀ դրամի չափով միայն գանձվում է այն APOSTILLE-ով հաստատելու համար: Գումարը վճարվում է ՀՀ ցանկացած բանկային հաստատությունում` 900005163515 գանձապետական հաշվեհամարին: Սեղմել <a href="/u_files/file/consulate/APOSTILLE%20LIST%20ARM.pdf">այստեղ</a> «Օտարերկրյա պաշտոնական փաստաթղթերի օրինականացման պահանջը չեղյալ հայտարարելու մասին» Հաագայի 1961 թվականի հոկտեմբերի 5-ի կոնվենցիայի (APOSTILLE-ի մասին) մասնակից պետությունների ցանկին ծանոթանալու համար:</li> </ol> <div class="hint-block"> <p>ԾԱՆՈԹՈւԹՅՈւՆ</p> <ol> <li>Տեղեկանքը տրամադրվում է երկլեզու` հայերեն եւ անգլերեն/գերմաներեն/ իսպաներեն/ռուսերեն/ֆրանսերեն` դիմողի ցանկությամբ,</li> <li>Ծառայությունը կատարվում է 7 աշխատանքային օրվա ընթացքում,</li> <li>Հարցաթերթիկը պետք է լրացնել ամենայն մանրամասնությամբ եւ ընթեռնելի ձեռագրով,</li> <li>ՀՀ ԱԳՆ հյուպատոսական վարչությունը տրամադրում է նաեւ օտարերկրյա պետություններում դատվածության բացակայության/առկայության մասին տեղեկանքներ` այդ պետությունների դիվանագիտական ներկայացուցչություններ կամ հյուպատոսական հիմնարկներ կատարվող հարցումների հիման վրա: ՀՀ արտաքին գործերի նախարարությունը չի երաշխավորում տեղեկանքների ստացումը կարճ ժամկետներում (ծառայության ժամկետ սահմանել հնարավոր չէ): Որոշ պետություններից նման տեղեկանքներ ստանալն անհնար է:</li> <li>Ծառայության կատարման ժամկետները, պահանջները եւ պետական տուրքի չափը ենթակա են փոփոխման առանց նախազգուշացման,</li> </ol> </div> <p>բ) Տեղեկանքի տրամադրում Հայաստանի Հանրապետության դիվանագիտական ներկայացուցչություններում կամ հյուպատոսական հիմնարկներում.</p> <p>Տեղեկանք ստանալու համար հարկավոր է անձամբ (կամ լիազորված անձի միջոցով) կամ պատվիրված փոստով Հայաստանի Հանրապետության դիվանագիտական ներկայացուցչություն կամ հյուպատոսական հիմնարկ (<a href="http://www.mfa.am/hy/consulates/">ցանկը տեսնելու համար սեղմել այստեղ</a>) ներկայացնել հետեւյալ փաստաթղթերը.</p> <p> </p> <ol> <li>Սահմանված ձեւի լրացված <a href="/u_files/file/consulate/ChD%20Harcatertik%20Consul.pdf">դիմում</a> (ծառայողական նշումներ մասը չլրացնել),</li> <li>Անձնագիր (կամ նշումներով էջերի պատճենները),</li> <li>Նոտարական կարգով հաստատված լիազորագիր (փաստաթղթերը լիազորված անձի միջոցով ներկայացնելու դեպքում),</li> <li>Տվյալ պետությունում գտնվելու իրավունքը հաստատող փաստաթղթի պատճենը՝ վավերացված նոտարի կողմից (եթե անձնագրից դուրս է),</li> <li>1 գունավոր անձնագրային լուսանկար (տեղեկանքը լուսանկարով ստանալու ցանկության դեպքում),</li> <li>Սահմանված <a href="/u_files/file/consulate/Police%20clearance%20certificate%20SAKAGIN%20ARM.pdf">պետական տուրքի</a> վճարման անդորրագիր:</li> </ol> <div class="hint-block">ԾԱՆՈԹՈւԹՅՈւՆ <ol> <li>Տեղեկանքը տրամադրվում է անգլերեն կամ նստավայր պետության լեզվով ` դիմողի ցանկությամբ,</li> <li>Ծառայությունը կատարվում է 15-20 օրվա ընթացքում,</li> <li>Հարցաթերթիկը պետք է լրացնել ամենայն մանրամասնությամբ եւ ընթեռնելի ձեռագրով,</li> <li>Ծառայության կատարման ժամկետները, պահանջները եւ պետական տուրքի չափը ենթակա են փոփոխման առանց նախազգուշացման,</li> <li>Փաստաթղթերը փոստով ուղարկելու դեպքում պահանջվում է նաեւ որեւէ պատվիրված փոստի նախապես վճարված հետադարձ ծրար, որն ունի որոնման համար /registered mail with a tracking number/ կամ առանձին վճար` դեսպանության կամ հյուպատոսության կողմից տեղեկանքը պատվիրված փոստով ուղարկելու համար,</li> <li>Դեսպանությունը կամ հյուպատոսությունը պատասխանատվություն չեն կրում փոստային ծառայության մեղքով կորած փաստաթղթերի համար:</li> </ol> </div> <p><br /> Լրացուցիչ հարցեր առաջանալու դեպքում խնդրում ենք <a href="mailto:consular@mfa.am">կապվել մեզ հետ</a>: </p>

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր